Þrítugasta og fimmta blóðgjöfin!

Fékk upphringingu í morgun frá Blóðbankanum þar sem þörf var á blóðinu mínu!

Skellti mér í Blóðbankann og gaf blóð - kom þá í ljós að ég var að gefa í 35. skipti!

 

 

 

Fékk forláta barmnælu í tilefni dagsins!Hvet alla til að gefa blóð sem það geta...þörfin er mikil.

 

The Lame Dudes á Norður Víkingi

The Lame Dudes spiluðu fyrir hóp hermanna og starfsmanna Varnarmálastofnunar á "base-num" (gamla NATO svæðið) sl. föstudag. Skemmtileg uppákoma þar sem nokkrir gesta skelltu sér í söng með hljómsveitinni og að lokum komu 3 hermannanna og jömmuðu við "Little Wing" í dágóða stund.

Ánægjulegt kvöld - svona líkt og að spila á Bob's Country Bunker sans chickenwire! 

Kobbi átti ekki heimangengt en Kristinn Kristjánsson leysti hann af á bassa.

Hraðmót Vals og Reebok 2008

Þá er körfuknattleiksvertíðin að hefjast og eins og undanfarin 17 ár hefjast herlegheitin með Hraðmóti Vals sem er styrkt af Reebok í ár.

Á mótið í ár mæta 8 lið og verður leikið í tveimur riðlum laugardag og sunnudag.

 

Úrslitaleikurinn verður síðan á sunnudeginum

7. september kl. 16.00

Hvet alla unnendur körfunnar að mæta í Vodafonehöllina að Hlíðarenda og sjá upphaf körfuknattleiksvertíðarinnar veturinn 2008-2009!

Man. City stærsta félag á Bretlandseyjum!

Mikill hugur í nýjum eigendum "The Blues", Manchester City!

 

Ætla að gera félagið að stærsta félagi á Bretlandi hvorki meira né minna!

Kannski maður fari að plana ferð til Manchester að sjá leik!

Brúðkaupsafmæli!

Stór dagur í dag 16 ára brúðkaupsafmæli!

Hér er mín heittelskaða í hestaferð í júní 2008.

Gítarveisla!

Mætti ásamt Össa á stórskemmtilega gítarveislu í Háskólabíói.

Mættir til gítarleiks voru þeir:

Þórður Árnason,  Philip Catherine, Kazumi Watanabe, Magnús Eiríksson og gestgjafinn sjálfur Bjössi Thor ásamt Jóni Rafnssyni  á bassa og Jóhanni Hjörleifssyni á trommur.

Veislan var stórskemmtileg og  gaman að heyra ólíka stíla spilaranna, en Háksólabíó er ekki staðurinn til að halda svona veislur - stemmninginn var ólíkt skemmtilegri á NASA í fyrra.

En svakalega er Bjössi orðinn góður á gítarana sína...hann er hreint í heimsklassa!

 

(Mynd: simnet.is/bjornthor)

Vonandi...

Það yrði hreint frábært ef gömlu kempurnar í Led Zeppelin næðu að gefa út nýja skífu! Spennandi að sjá hvernig lagasmíðarnar hafa breyst við aukinn aldur og einnig hversu vel þeim gengur að blúsa komnir til ára sinna og moldríkir!

 Kannski von á nýju meistaraverki, hver veit...vonandi! 

Led Zeppelin í hljóðveri

Fyrsta Youtube myndbandið með The Lame Dudes

Jæja

Kom loks videoinu af tónleikunum í lagabúta, fyrsta lag eftirmiðdagstónleika the Lame Dudes á Menningarnótt "The Lame Dudes theme" má nú sjá á Youtube:

The Lame Dudes - Myndir frá tónleikum á Menningarnótt

Setti myndir af tónleikum The Lame Dudes í Clarks skóbúðinni á Menningarnótt á Facebook síðuna mína; slóðin er:

http://www.new.facebook.com/album.php?aid=34480&l=1492d&id=714982911

 

Fjöldi gesta lagði leið sína í Clark's skóbúðina að Laugavegi 65 eins og sjá má á þessari mynd sem var tekin á fyrri tónleikunum.

 

Nú fer að líða að upptökum á Hversdagsblámanum í Studío Stekk hjá Finni, vonandi næst platan fyrir jólavertíðina!

 

The Lame Dudes - lagalisti

The Lame Dudes spilaði á tvennum tónleikum á Menningarnótt í Clark's skóbúðinni, Laugavegi 65. Fjöldi gesta lagði leið sína á tónleikana og skapaðist skemmtileg stemmning í búðinni.

 

The Lame Dudes kynntu lög af væntanlegri plötu sinni "Hversdagsbláminn" og var lagalistinn eftirfarandi:

1. The Lame Dudes Theme

2. Hringamyndunarblús

3. Niðurdreginn

4. Endurvinnslubúgí

5. Einkaþjálfarabláminn

6. Hversdagsbláminn

7. Þriðjudagsbíóblús

8. Mæddi Mathákurinn

9.  Crossroads

 á seinni tónleikunum kröfðust áhorfendur að fá aukalag:

10. Johnny B. Goode

Fyrir hönd The Lame Dudes þakka ég öllum sem komu og hlýddu á okkur, við skemmtum okkur vel sjálfir - og þá er meira en hálfur sigur unninn!