The Lame Dudes á Menningarnótt!

Körfukappar heim...í bili.

ánægjulegar fréttir af þeim Jóni Arnóri og Jakobi  - komnir heim í KR á ný, þótt aðeins verði eitt ár þá lífgar þetta svakalega mikið upp á úrvalsdeildina í vetur.

KR ingar hafa verið að gera afar skemmtilega hluti sl ár varðandi markaðssetningu á leikjum hjá sér og nokkuð ljóst að þeir félagar styrkja liðið verulega.

 

Til hamingju KR-ingar - held samt að þið getið ekki keypt kampavínið alveg strax!

 

 

 

 

(mynd fengin af www.karfan.is)

Clapton - næstum fullkominn...

Tónleikarnir í Egilshöll voru hreint stórkostlegir. Komum okkur fyrir beint fyrir framan "hljóðmannsboxið" í miðjum salnum. Hljómsveit Claptons náði strax feiknavel saman frá fyrstu tónunum. Blúsinn var áberandi og tónlistin almennt blús-skotin eins og við var að búast. Clapton sjálfur í óvenju miklu "stuði" á Stratocasterinn og Bramhall ll að verða frábær gítaristi sjálfur. Samspil þeirra og sóló áköll alveg stórkostleg skemmtun. Stainton traustur á píanóið eins og vanalega, Willie Weeks traustur á bassann en Abe Laboriel Jr var alveg frábær á trommurnar las einhversstaðar að hann væri besti trommari sem Clapton hefur verið með á tónleikaferðum - kannski eitthvað til í því.

Lagalisti

01. Tell The Truth - lag Derek and the Dominos - Clapton frábær á sviðinu - bandið greinilega í góðum fíling

02. Key To The Highway - Standard blús frábær flutningur sem gefur góð fyrirheit um tónleikana

03. Hoochie Coochie Man - Muddy Waters lag sem Clapton spilar oft - frábær flutningur og góð stemmning á sviðinu

04. Here but I'm Gone - skemmtilegt rólegt lag - bandið að spila sig saman

05. Outside Woman Blues - Cream fílingur í frábærum flutningi

6. Isn't It A Pity - Lag e. George Harrison vel flutt!

07. Why Does Love Got To Be So Sad - Derek and the Dominos lag - frábær flutningur!

08. Driftin' - skemmtilegur flutningur með Clapton á kassagítar ásamt hljómsveitinni

09. Nobody Knows You When You're Down And Out - hér tóku áhorfendur heldur betur við sér - frábær flutningur

10. Motherless Child - fannst þetta lag svolítið utanveltu - frábær flutningur engu að síður

11. Travelling Riverside Blues - mmm eyrnakonfekt - Robert Johnson blús

12. Running On Faith -  lag sem Clapton heldur alltaf ástfóstri við - gullfallegt

13. Motherless Children -  Clapton á 12 strengja kassagítar - alltaf gott lag en ekkert spennandi hér

14. Little Queen Of Spades - frábær blús - sóló áköll frabær

15. Before You Accuse Me - hraður blús - frábær sóló

16. Wonderful Tonight - virðist þurfa á hverjum Clapton tónleikum

17. Cocaine - alltaf stuð - óvenju mikill kraftur

Uppklapp:
18. Crossroads - hreint frábært!

 Tónleikarnir heilt yfir hreint frábærir - hefðu verið FULLKOMNIR ef Layla hefði verið með en svo var ekki. Hlakka til að tónlistarhúsið rísi - Egilshöllin er ekki gerð fyrir tónleika sem þessa!

Clapton í Noregi

Clapton spilaði í Bergen í Noregi við góðan róm áhorfenda þannig að búast má við góðum tónleikum í Egilshöllinni á föstudagskvöldið.

 

Með goðinu spiluðu:

Doyle Bramhall II (gítar / bakraddir), Willie Weeks (bassi), Abe Laboriel Jr (trommur), Chris Stainton (hljómborð), Sharon White (bakraddir) and Michelle John (bakraddir).

Lagalistinn í Noregi var eftirfarandi

 

Eric Clapton Concert Set List for 6 August:

01. Tell The Truth
02. Key To The Highway
03. Hoochie Coochie Man
04. Isn't It A Pity
05. Outside Woman Blues
06. Here But I'm Gone
07. Why Does Love Got To Be So Sad
08. Driftin'                                                                                                                                      09. Nobody Knows You When You're Down And Out
10. Motherless Child
11. Travelling Riverside Blues
12. Running On Faith
13. Motherless Children
14. Little Queen Of Spades
15. Before You Accuse Me
16. Wonderful Tonight
17. Layla
18. Cocaine

Uppklapp:
19. Crossroads

Styttist í Clapton!

Clapton á leiðinni eftir rúma viku, get varla beðið. Sá kappann á Parken í Köben 2004 og síðan bestu tónleikar sem ég hef séð þegar ég fór ásamt Snorra mági mínum á Cream tónleika í Madison Square Garden - frábærir tónleikar og í raun óraunveruleg upplifun - hughrifin voru það sterk!

Samkvæmt Whereseric.com hefur lagalisti á tónleikaröð Clapton í ár verið eitthvað á þessa leið - ekki amalegt!

Setlist:

01. Tell The Truth
02. Key To The Highway
03. Hoochie Coochie Man
04. Isn't It A Pity
05. Outside Woman Blues
06. Here But I'm Gone
07. Why Does Love Got To Be So Sad
08. Driftin'
09. Rockin' Chair
10. Motherless Child
11. Travellin' Riverside Blues
12. Running On Faith
13. Motherless Children
14. Little Queen of Spades
15. Before You Accuse Me
16. Wonderful Tonight
17. Layla
18. Cocaine

19. Uppklapp: Got my Mojo Working

Mel Gibson fær sér kaffi!

Erum við Íslendingar virkilega svona miklir smáborgarar! Mel Gibson greyið kemur hingað til lands og vísir.is hefur tal af nokkrum Íslendingum sem hafa annað hvort séð eða misst af því að hafa séð hann!

http://www.visir.is/article/20080725/LIFID01/25606261

Einhver var meira að segja í sömu vél og leikarinn! 

 Var þetta kannski dulin auglýsing fyrir Te og kaffi?

Annars er gott að vita að Jón Dalbú sóknarprestur í Hallgrímskirkju er staddur í fríi í Borgarfirði! 

 

The Lame Dudes á Menningarnótt!

Jæja það kom að því - The Lame Dudes munu koma fram í tvígang á Menningarnótt(laugardaginn 23. ágúst) og spila nokkur vel valin lög af væntanlegri plötu sinni "Hversdagsbláminn".

Hljómsveitin mun spila í eða við Clarks Búðina á Laugavegi 65 eftir veðri en hljómsveitrmeðlimir verða í öllu falli í "sólskinsskapi"

Síða hljómsveitarinnar er á www.myspace.com/thelamedudes

 

Gúrkutíð í NBA

Jæja Posey farinn í NOH með 4 ára samning í vasanum (hvernig dettur þeim þetta í hug!).

Hann fær þá hringinn sendan eftir fyrsta leik Boston á næstu leiktíð!

Danny Ainge er að velta fyrir sér skiptum til að ná í Artest? Held ég vilji nú ekkert fá hann til Boston en hann myndi eflaust getað haldið sér á mottunni í köldu vetrarveðri New England!

Annars er gaman að fylgjast með nýliðunum í  NBA summer league í Vegas - Mayo að spila vel og Love sterkari en margir áttu von á, þá virðist Galinari vera skemmtilegur leikmaður. Það verður gaman að fylgjast með þeim á næstu árum.

Að loknum körfuknattleiksbúðum

Jæja, búðirnar búnar hjá strákunum og allir komust heilir heim! Þessi rúmlega vika sem við vorum í BNA var ansi skemmtileg og lærdómsrík fyrir strákana sem stóðu sig virkilega vel í ferðinni. Fimm dagar frá 9-21 á hverjum degi er náttúrulega töluverður körfubolti en greinilegt að strákarnir hafa  ekki fengið sig fullsadda af boltanum ennþá og voru komnir út í körfu daginn eftir heimkomu!

Sæbi sem hefur verið þjálfari strákanna undanfarin ár er að fara yfir til Blikanna að þjálfa og kvöddu strákarnir hann með virktum síðasta kvöldið í ferðinni. Þeir árituðu allir körfubolta og gáfu honum með þökkum fyrir samveru og samvinnu undanfarin ár.

Nú er bara að vona að strákarnir haldi áfram á sömu braut og fari að skila titlum til félagsins!

Dagur 2 í körfuknattleiksbúðunum

Stöðvaræfingar héldu áfram í gær og er gaman að sjá að Valsstrákarnir eru með flestar þessara æfinga á hreinu. Aðrir hópar virðast ekki ná að skilja alveg hvað þjálfararnir eru að segja þeim að gera en íslensku strákarnir virðast skilja leiðbeiningarnar vel og framkvæma undantekningarlítið rétt.

Þjálfararnir hér hrósa Valshópnum í hástert fyrir æfingarnar og viðmót.

"Einn á einn" keppnin byrjaði í gær og náðu strákarnir allir að vinna leiki. enginn þeirra stóð sig þó eins vel og spænsk stúlka sem vann 15 leiki í röð á moti selpum og strákum, hún átti þó ekki roð í Eystein sem stöðvaði sigurgöngu hennar við mikinn fögnuð viðstaddra.

 "Þrír á þrjá" keppnin hefst í dag og verður gaman að fylgjast með gengi Valsstrákanna þar.