Krefjandi æfingabúðir í New Jersey

Valsstrákarnir hafa hafið þátttöku á Hall of Fame Basketball Camp og eru að standa sig afar vel.

Um helgina áður en búðirnar hófust var hópnum skipt í tvennt og leiknir æfingaleikir á laugardag og sunnudag þar sem leikið var gegn fjórum úrvalsliðum frá New Jersey.

Á sunnudag fór hópurinn til New York og skoðaði sig meðal annars um á Times
Square þar sem við héldum upp á afmæli Hjalta.

Búðirnar sjálfar hófust síðan á mánudagsmorgun og eru strákarnir búnir að
taka verulega vel á því þar. Allur aðbúnaður er hinn besti í búðunum,
þjálfarar víðsvegar úr heiminum og sjúkraþjálfari sem sinnir öllum kvillum
og meiðslum leikmanna.

Lárus Blöndal loks í Celtics búning!

Tókst loksins að fá Lárus í Celtics búning við dómgæslu í æfingabúðum Valstrákanna í New Jersey. Velkominn í hóp vitrænustu körfuknattleiksunnenda heims Lárus!

Styttist í BNA ferð Valsdrengja-Verkfall flugumferðastjóra

Verð fararstjóri í ferð 9.-10. flokks Vals í körfu drengja. Förum út í fyrramálið - flug 10.30 ef allt fer samkvæmt áætlun. Hef þó mestar áhyggjur af því að þurfa að sitja í langan tíma í Leifsstöð ef af verkfalli flugumferðastjóra verður! Finnst þeir reyndar vera með ágætis laun - ekki satt?

Strákarnir hafa æft stíft undanfarinn vetur og staðið í fjáröflunum eins og venja er fyrir svona ferðið - dósasöfnun, maraþon æfing (myndin var tekin þá), sala á vinsælustu pappírum í heimi - salernis og eldhúss!

Verð með fréttir af strákunum næstu dag...

Opnun bloggsíðunnar!

Jæja, þá hef ég látið verða af því að opna bloggsíðu - það er víst varla annað hægt í dag þar sem allir verða að hafa skoðanir á sem flestu.

Get vonandi sett hér niður af og til einhverjar vitrænar pælingar og skoðanir á öllum þeim áhugamálum sem ég þykist hafa.

Vonandi geta einhverjir lesið hér eitthvað af og til sér til gagns og -aðallega- gamans.